JINGLE BELLS - EEUU

 “Jingle Bells» é unha das cancións tradicionais de inverno máis coñecidas e cantadas en todo o mundo. Foi escrita no s.XIX polo compositor estadounidense James Pierpont. A pesar de estar íntimamente conectada ao Nadal, non é específicamente unha panxoliña, xa que non se menciona na letra, senón que trata sobre as carreiras de cabalos, de ahí que os pasos da danza lembren o galope deste animais.  Os danzantes dispóñense nun círculo de parellas, agarrados das mans, e realizan o paso de polca piqué e o galope lateral. 
Con esta danza despedímonos ata xaneiro, cando voltaremos con máis Danzas do Mundo. Bo Nadal a todos e todas!!!!

6 C - Jingle Bells from Rosa Fernández Sánchez on Vimeo.

EEUU - Oh! Susannah

Cambiamos de continente e dirixímonos cara a América, concretamente aos Estados Unidos, terra de vaqueiros e cowboys. Aquí aprenderemos a danza "Oh! Susannah", canción escrita por Stephen Foster e publicada en febreiro de 1848. Baile tipicamente americano, asociado á Febre do Ouro, reproduce o espírito aventureiro dos buscadores de ouro: ten unha melodía moi viva e alegre, que vai acompañada por pasos de polca e figuras de ritmo rápido e áxil. 

6 A - Oh Susannah from Rosa Fernández Sánchez on Vimeo.

6 B - Oh Susannha from Rosa Fernández Sánchez on Vimeo.

6 C - Oh Susannah from Rosa Fernández Sánchez on Vimeo.

MACEDONIA - Koce Berberot

E rematamos a nosa andaina polas danzas de Europa con Koce Berberot, baile tradicional de Macedonia. O seu ritmo vivo e alegre, a súa coreografía sinxela e os seus pasos animosos, fan dela un dos bailes máis interpretados nas festas e reunións familiares. A letra fala dun barbeiro que pasaba os días bailando e disfrutando da música.

6 A - Koce Berberot from Rosa Fernández Sánchez on Vimeo.

6 B - Koce Berberot from Rosa Fernández Sánchez on Vimeo.

6 C Koce Berberot from Rosa Fernández Sánchez on Vimeo.

RUMANÍA - Alunelul

O noso percorrido por Europa está a piques de rematar. Antes de desprazarnos a outro continente, faremos unha paradiña en Rumanía, onde aprenderemos "Alunelul". Trátase dunha danza circular de tipo relixioso que se bailaba na rexión de Oltenia (sureste de Rumanía), zona moi verde e montañosa.. Probablemente as súas orixes están nas danzas antigas asociadas con rituais ou celebracións relixiosas. Bailábase o domingo despois da misa. O nome ven significar “Danza de Xoán”, aínda que hai quen di que se traduce por “pequeña abelá”.

A danza consiste en movementos moi rápidos cos pés, cunha serie de pasos á dereita e á esquerda seguidos de dous golpes no chan.

6 C - Alunelul from Rosa Fernández Sánchez on Vimeo.
6 B - Alunelul from Rosa Fernández Sánchez on Vimeo.
6 C - Alunelul from Rosa Fernández Sánchez on Vimeo.

GRECIA - Pera Stous Pera kambous

E collemos agora un avión para viaxar a Grecia, e alí aprender a danza "Pera Stous Pera Kambous". O título ven significar "Nas lonxanas chairas" e fala dun mosteiro ao que van as mozas a rezar. A danza ten un ritmo alegre, típicamente grego e báilase cos danzantes collidos polos ombreiros e facendo uns cruzamentos cos pés. 

6 A - Pera Stous Pera Kambous from Rosa Fernández Sánchez on Vimeo.

6 B - Pera Stous Pera Kambous from Rosa Fernández Sánchez on Vimeo.

6 C - Pera Stous Pera Kambous from Rosa Fernández Sánchez on Vimeo.

DANZA DAS FITAS - CENTROEUROPA

Estamos ante unha danza case universal, no sentido de que podemos atopala en moitos países, non só de Europa, senón tamén do mundo enteiro: a Danza das Fitas. Nela, os danzantes van trenzando e destrenzando unhas fitas de cores ao redor dun pao adornado con flores. Normalmente, báilase para celebrar a chegada da primavera, da estación luz, das flores e do bo tempo. Esta que representamos aquí é propia de varios países de Centroeuropa: Alemaña, Suíza, Austria, Eslovaquia, República Checa, Francia, ..., aínda que tamén é bailada en moitas provincias de España, incluída Galicia. A diferencia entre as distintas zonas está no tipo de música empregada e nos pasos executados.

6 B - Danza das Fitas from Rosa Fernández Sánchez on Vimeo.
6 C - Danza das Fitas from Rosa Fernández Sánchez on Vimeo.

6 A - Danza das Fitas from Rosa Fernández Sánchez on Vimeo.

CUMBERLAND REEL - IRLANDA

E voltamos ás Illas Británicas, concretamente a Irlanda, para realizar unha danza de corte chamada Cumberland Reel. Colocados en fila, en 3 grupos de 4 parellas cada un, os danzantes van desprazándose polo espazo realizando diversas figuras: muíños, pasillos, pontes, ... Cabe destacar o porte elegante e sempre alegre deste baile.

6 A - Cumberland Reel from Rosa Fernández Sánchez on Vimeo.

6 B - Cumberland Reel from Rosa Fernández Sánchez on Vimeo.

6 C - Cumberland Reel from Rosa Fernández Sánchez on Vimeo.

POLCA DO CUCO - ALEMAÑA

E continuamos a nosa andaina por terra europeas desprazándonos esta semana a Alemaña, onde bailaremos a Kuckuspolka ou Polca do cuco. De todos é ben sabido que os mellores e máis precisos reloxos de cuco fabrícanse nestas terras alemás. Pois ben, esta danza intenta imitar os movementos dos bailaríns dun destes reloxos, que cada hora en punto saen da súa casiña a deleitarnos con estes pasos de polca.

6 A - KUCKUSPOLAK from Rosa Fernández Sánchez on Vimeo.

6 B - KUCKUSPOLKA from Rosa Fernández Sánchez on Vimeo.

6C - KUCKUSPOLKA from Rosa Fernández Sánchez on Vimeo.

O PESIÑO - PORTUGAL

Trasladámonos esta semana ao noso país veciño, Portugal, onde aprendemos esta danza popular "O pesiño". Nunha roda de parellas, os danzantes van movendo a punta do pé ao ritmo de música en coordinación coa súa parella. Podemos atopar variantes desta danza en Galicia e Brasil, por influencia dos emigrantes que a levaron consigo.

6 A - O pesiño from Rosa Fernández Sánchez on Vimeo.

6 B - O Pesiño from Rosa Fernández Sánchez on Vimeo.

6 C - O Pesiño from Rosa Fernández Sánchez on Vimeo.

LA BADOISE - LUXEMBURGO

A medio camiño entre Francia e Luxemburgo, atopamos esta danza de xogo amoroso entre homes e mulleres. Báilase nunha roda de parellas, con paso de marcha e xogo de mans, e cun pequeno intercambio verbal, no que o home rexeita á muller, polo que esta cambia de parella para probar sorte de novo. De música alegre e viva. resulta unha danza moi divertida e doada de bailar.

6 A - LA BADOISE from Rosa Fernández Sánchez on Vimeo.

6 B - L BADOISE from Rosa Fernández Sánchez on Vimeo.

6 C - LA BADOISE from Rosa Fernández Sánchez on Vimeo.

PORTSMOUTH - INGLATERRA

Desprazámonos polo Eurotúnel dende Francia a Inglaterra, concretamente a unha cidade costeira do sur chamada Portsmouth, que lle dá nome a esta danza. Sede da mariña real Británica no séculos XVII e XVIII, era un porto internacional onde confluían xentes de moitos lugares do mundo, nun intercambio de razas, culturas e tradicións. Dispostos en dúas filas, os danzantes fan unha serie de movementos para presentarse e coñecer á súa parella, ao ritmo da música de Mike Oldfield.

Ladies and gentlemen... "Portsmouth"!!!

6 A - Portsmouth from Rosa Fernández Sánchez on Vimeo.

6 B - Portsmouth from Rosa Fernández Sánchez on Vimeo.

6 C - Portsmouth from Rosa Fernández Sánchez on Vimeo.

BENVIDOS

Benvidos a un novo curso escolar cheo de música e danza. Ao igual que o ano pasado, o Obradoiro de Danza "Danzarte", abranguerá 3 grandes tipos de danzas:

- 1º trimestre: DANZAS DO MUNDO

- 2º trimestre: BAILE TRADICIONAL GALEGO

- 3º trimestre: BAILES DE SALÓN

Así que xa podemos ir preparándonos para mover o noso corpo... Para empezar, viaxaremos por distintos países do mundo para aprender as súas danzas. Comezamos por Europa, máis concretamente, Francia, onde bailaremos o "Branle das Ratas". Esta era a primeira danza que se facía nas festas. Báilase en corro, agarrados das mans, pisando forte no chan para espantar os posibles ratos que houbese, de xeito que depois se puidese bailar con tranquilidade e comer todos os manxares que había preparados. A bailar!!!

6 A - Branle das ratas from Rosa Fernández Sánchez on Vimeo.

6 B - Branle das ratas from Rosa Fernández Sánchez on Vimeo.

6 C - Branle das ratas from Rosa Fernández Sánchez on Vimeo.

VALS INGLÉS

Todos coñecemos en maior ou menor medida o valse vienés, pero moi poucos oímos falar doutro tipo de valse: o valse inglés. Durante a Primeira Guerra Mundial, unha nova xeración de bailaríns rebelouse contra os antigos valses vieneses, polo que os compositores comezaron a escribir valses máis lentos, dando orixe ao valse inglés, máis coñecido como valse lento.

Hai unha lenda que explica o nacemento do valse inglés grazas á raíña Victoria de Inglaterra quen, quedando prendada do valse vienés nunha das súas viaxes a Austria, pediulle ao seu profesor de danza que llo aprendera. Pero tivo que adaptalo debido a que a raíña era coxa, polo que o fixo máis lento, nacendo así o valse inglés.
Trátase dun baile sinxelo, cunha única dificultade: ese movemento de "ondulación", que se consegue dobrando os xeonllos ao inicio do paso e estirándoos ao final, dando a sensación de flotar.  Os pasos deben ser deslizantes e con grande desprazamento. 

Pasos básicos:

• Paso Base
• Cadrado
• Cuartos dereita
• Cuartos esquerda
• Xiro Natural
• Xiro inverso
• Whisk

6ºA VALS INGLÉS from Rosa Fernández Sánchez on Vimeo.

TANGO

E chegamos ao baile arxentino por excelencia: o tango. O tango é meláncolico e nostálxico, é frustación  e angustia existencial, é un reflexo da propia vida. O máis importante para ser un bo tangueiro é "camiñar o tango" ao ritmo: lento- rápidorápido - lento.

Elementos e movementos típicos de tango a partir dos que se compoñen as figuras e coreografías:

• Paso Básico 
• Oitos
• Arrastres
• Boleos
• Planeos
• Paradas
• 
  

6ºA TANGO from Rosa Fernández Sánchez on Vimeo.

CHACHACHÁ

O chachachá é un baile de salón de orixe latina que debe o seu nome ao son que fan os pés dos bailaríns ao rozar o chan en tres pasos rápidos, co obxecto de acentuar o ritmo da melodía. O compás musical do chachachá é de 2x2, pero no baile ten 4 tempos e báilase con 2 pasos lentos e 3 rápidos. Para bailalo, hai que poñer sensualidade, movemento de cadeiras e un pouquichiño de picardía.

Figuras nivel básico:

• Paso Base
• Lateral
• Volta del e dela 
• New York
• Hand to hand
• Media Lúa

6ºA CHACHACHA from Rosa Fernández Sánchez on Vimeo.

RUMBA - BOLERO

Tócalle o turno agora ao bolero ou rumba-bolero, un dos bailes de salón máis románticos. De orixe cubana, creouse durante o século XIX, a base de mesturar ritmos africanos cos bailes caribeños. Da primitiva danza cubana só queda ese xogo de parella, no que a muller coquetea, o home faille as beiras e ela rexéitao. De todos os xeitos, é recomendable bailalo cun movemento marcado das cadeiras e dos brazos; e se, ademais, engadímoslle algo de alma e sentimento, o éxito está asegurado. Botade un ollo e veredes...
As figuras que aprendemos foron:

• - Paso Base
• - Xiros da muller
• - Cruzado
• - Hand to hand

6ºA - BOLERO from Rosa Fernández Sánchez on Vimeo.

6º B - BOLERO from Rosa Fernández Sánchez on Vimeo.

6ºC - BOLERO from Rosa Fernández Sánchez on Vimeo.

PASODOBRE

E rematamos o curso cos bailes de salón. Comezamos polo baile máis español por excelencia, o PASODOBRE. Tocado en plazas de toros e verbenas populares, báilase alternando os pés, como se estivésemos desfilando. As figuras realízanse seguindo 8 pasos, imitando as do toureiro (o rapaz sería o toureiro e a muller o capote). Ademais, temos que adoptar un aire altaneiro, ben estirados,  sacando peito el e salerosa ela. Atentos ás evolucións, paseos, voltas e reviravoltas dos rapaces e rapazas ao ritmo de España Cañí...

PASODOBRE 6ºC from Rosa Fernández Sánchez on Vimeo.
6ºA - PASODOBRE from Rosa Fernández Sánchez on Vimeo.

BAILES DE SALÓN

BAILES DE SALÓN

MAIOS

Como xa sabedes, dedicamos todo o segundo trimestre e parte do terceiro a aprender o baile tradicional galego, en concreto a muiñeira, xunto con algún baile-xogo, alguns bailes agarrados e unha danza. Esta última é a Danza dos Maios a cal, a ritmo de muiñeira, servíunos para conmemorar a chegada do bo tempo e realizar unha ofrenda ante o "maio" para que nos dea boas colleitas. Aquí tedes o resultado...

MAIOS 2017 - Kizoa Editar Videos - Movie Maker

MAIOS 2017 VIDEOS - Kizoa Editar Videos - Movie Maker

II XUNTARTE

E xa tivo lugar a II edición de Xuntarte, xuntos pola Arte. Trátase dun evento que conmemora o Día Escolar pola Paz e a Non Violencia ao redor da danza, a música e o canto de diferentes países do mundo. Na edición deste ano participamos 8 centros educativos públicos da cidade da Coruña, e 440 alumnos e alumnas, actuando o noso cole como organizador. O éxito foi abrumador. A variedade, orixinalidade e calidade interpretativa resultou espectacular.

Aquí tedes a nosa aportación: "Morris dance". É unha danza británica moi antiga que se bailaba para conmemorar a chegada do bo tempo despois do longo inverno e celebrar así o "May Day". Por iso, as mozas recollían flores e facían coroas, arcos e todo tipo de adornos que despois utilizaban para bailar. Tamén escollían a Raíña de Maio, á que dedicaban os diferentes bailes que facían: con paos, con arcos, con panos, ...

Parabéns a todos os participantes polo excelente resultado!!!

SDV 0014 from Rosa Fernández Sánchez on Vimeo.

BOLERO

Ano novo, vida nova... Deixamos atrás a nosa viaxe por Europa e voltamos a Galicia, onde pasaremos todo este segundo trimestre. Primeiro aprenderemos un baile-xogo: o Bolero, moi  popular nas festas para divertirse escollendo parella. A gran cantidade de xogos e divertimentos que tiñan os nosos antepasados conforman unha parte moi importante da nosa cultura oral. Xuntábanse nas fiadas, ruadas, segas, mallas… e alí cantaban, bailaban e xogaban. Non se trataba de xogos restrinxidos aos máis cativos que asistían, que eran os menos, senón que eran xogos abertos a tódolos presentes, nos que se participaba cantando e bailando. Polo xeral, eran xogos de escoller parella rapidamente, cos que se buscaba esa complicidade coa persoa desexada ou simplemente pasar un anaco divertido na compaña dos outros. Os xogos non resultaban moi complexos e podíanos bailar tanto grandes coma pequenos, sendo moitos destes xogos os mesmos que empregaban os máis cativos polo día. Ás veces o único requerimento do xogo era saber ben a letra e a melodía, así como saber bailar o agarrado.

BOLERO - Galicia from Rosa Fernández Sánchez on Vimeo.